18:24, 04 Қыркүйек 2019 | GMT +6
ҚР Ішкі істер министрі ЕҚЫҰ-ның Аз ұлттар істері жөніндегі Жоғарғы комиссарымен кездесті
НҰР-СҰЛТАН. ҚазАқпарат - Қазақстан Республикасының Ішкі істер министрі Ерлан Тұрғымбаев ЕҚЫҰ-ның Аз ұлттар істері жөніндегі Жоғарғы комиссары елші Ламберто Заньермен кездесті, деп хабарлайды министрліктің баспасөз қызметі.
Ағымдағы жылғы 3 қыркүйекте Нұр-Сұлтан қаласында Қазақстан Республикасы Ішкі істер министрі Ерлан Тұрғымбаевтың ЕҚЫҰ-ның Аз ұлттар істері жөніндегі Жоғарғы комиссары елші Ламберто Заньермен кездесуі өтті.
Кездесуге қатысушылар полицияны реформалау және осы саладағы ынтымақтастықтың болашағы туралы пікір алмасты.
Тараптар мүдделі бағыттар бойынша өзара іс-қимылды жалғастыруға дайын екендігін білдірді.
Осы кездесу аясында «Көпэтникалық қоғамдастықтарда полицияның тиімді және инклюзивтік жұмысына жәрдемдесу» тақырыбында семинар өтті.
Кездесу өзара түсіністік пен сындарлы диалог жағдайында өтті.