Қылмыстық топ еліміздің төрт қаласына пойызбен есірткі тасымалдаған

НҰР-СҰЛТАН. ҚазАқпарат - Көлік полицейлері есірткіні пойызбен тасымалдаумен айналысатын бір топ адамды ұстады, деп хабарлайды ҚазАқпарат көліктегі полиция департаментінің баспасөз қызметіне сілтеме жасап.

Ұқсас жаңалықтар

Қазақстанның 5 облысында есірткі зертханаларын ашқан қылмыстық топ ұсталды

Қызылордада қолдан жасалған құрт ішінен есірткі табылды Ақмола облысында есірткі саудасымен айналысқан қылмыстық топ ұсталды Алматыда мопед мінген есірткі сатушы ұсталды

«Ақпан айында көлік полицейлері арнайы іс-шара кезінде Нұр-Сұлтан, Павлодар, Семей және Екібастұз қалаларының аумағында есірткі тарату мақсатында пойызбен тасымалдап жүрген бір топ адамды анықтап, ұстады», - деп хабарлады көліктегі полиция департаментінің бастығы Оңал Бекиев.

Оның айтуынша, топ психотроптық заттарды әлеуметтік желілерде кэш-бетбелгі арқылы сату үшін «FaskGood» деп аталатын интернет-дүкен ашқан.

Тінту барысында 2 мыңнан астам доза психотроптық заттар, сондай-ақ оларды өлшеп-орауға арналған құрылғылар тәркіленді.

«Аталған факті бойынша сотқа дейінгі тергеу амалдары жүргізілуде», - дейді полиция полковнигі.

Қазақстан Республикасы Қылмыстық іс жүргізу кодексінің 201-бабына сәйкес өзге ақпарат жариялауға жатпайды.