Қысқы Олимпиада: Қазақстан қай спорт түрлерінен лицензиялар алды

«Олимпиада ойындары 4 ақпан күні басталады. Алдын ала мәліметтер бойынша, бұл ойындарға әлемнің 95 елінен 4 мыңнан астам спортшы қатысады. Онда 109 медаль жиынтығы сарапқа салынады. Бейжіңдегі олимпиадалық команда құрамында 34 спортшымыз өнер көрсетеді. Бұл көрсеткіш алдыңғы олимпиадаларға қарағанда аз. Ал спорт түрлеріне келсек, айтарлықтай өзгеріс жоқ – 87 лицензиямыз бар. Осы аптада басқа спорт түрлері бойынша нақтыланады. Лицензиялардың басым бөлігін шаңғышылар (35), конькимен жүгірушілер (12) және биатлоншылар (12) жеңіп алды», - деді Андрей Крюков Орталық коммуникациялар қызметінде өткен баспасөз мәслихатында.

Шорт-трек бойынша – 9, фристайл-акробатикадан – 4, фристайл-могулдан – 6, трамплиннен шаңғымен секіруден – 4, тау шаңғысы спортынан – 3 және шаңғы үшсайысы бойынша – 3 лицензия бар.

Андрей Крюков қазір спортшылардың карантинге оқшауланып, дайындықтың соңғы кезеңінен өтіп жатқанын еске салды: олардың екі тобы – Қазақстанда және үшеуі – шетелде орналасқан.