Қытайдың СІМ басшысы Орталық Азияға сапар жасамақ
Түрікменстан, Тәжікстан және Өзбекстан елдерінің Сыртқы істер министрлерінің шақыруымен ҚХР-дің СІМ басшысы Ван И аталған үш елге 12-16 шілде аралығында сапар жасайды.
Сапар барысында ҚХР СІМ басшысы Ван И Шанхай ынтымақтастық ұйымына (ШЫҰ) мүше елдердің Сыртқы істер министрлері кеңесі мен «ШЫҰ-Ауғанстан» байланыс тобының, сонымен қатар «Орталық және Оңтүстік Азия: өңірлік сабақтастық. Қиындықтар мен мүмкіндіктер» халықаралық конференциясының кезекті отырысына қатысады.
ШЫҰ-ға мүше елдердің Сыртқы істер министрлері кеңесінің кезекті отырысы Душанбеде 13-14 шілде аралығында өтеді.
«Орталық және Оңтүстік Азия: өңірлік сабақтастық. Қиындықтар мен мүмкіндіктер» халықаралық конференциясы Ташкентте 15-16 шілде аралығында өтпек.
Авторы Руслан Сүлейменов