18:28, 22 Шілде 2019 | GMT +6
Қызылорда қаласында 13 жастағы жасөспірім суға кетті
ҚЫЗЫЛОРДА. ҚазАқпарат - Қызылорда қаласында 13 жастағы жасөспірім суға кетті, деп хабарлайды ҚазАқпарат тілшісі.
Жасөспірім Сырдария өзенінің суға түсуге рұқсат етілмеген аумағында суға кеткен. Ата-анасының бақылауынсыз қалған бала осылайша көз жұмды.
«Айта кетерлігі, тұрғындар балалардың қауіпсіздігіне салғырт қарайды. Олардың қайда жүргенінен хабарсыз. Жыл басынан бері 22 адам суға кетті. Оның ішінде тоғыз бала осындай төтенше жағдайдан қайтыс болды. Біз тұрғындар арасында қауіпсіздік шаралары жөнінде үгіт-насихат шараларын жүргіземіз. Дегенмен оған көбі құлақ аса бермейді», - деді Қызылорда облысы төтенше жағдайлар департаментінің баспасөз маманы Айгүл Нұрманова.
Естеріңізге сала кетелік, бұдан бұрын Қызылордада бір аптада үш бала суға кеткен еді.