Қызылорда облыстық ауыл шаруашылығы басқармасының басшысы тағайындалды
Бұл қызметке Қойшыбаев Шахмардан Сұлтанбекұлы келді. Ш. Қойшыбаев 1974 жылы дүниеге келген. Қазақтың Еңбек Қызыл Ту орденінің мемлекеттік ауыл шаруашылығы институтын «ғалым-агроном», «Болашақ» университетін «экономика» мамандықтары бойынша бітірген.
Еңбек жолын 1990 жылы Шиелі ауданындағы Ы.Жақаев атындағы шаруа қожалығының жұмысшы ретінде бастаған. 1996-2005 жылдары Ы.Жақаев атындағы колхоздың агрономы, «Шахмардан» шаруа қожалығының төрағасы, Шиелі ауданы әкімі аппаратының ұйымдастыру-бақылау және кадр жұмысы бөлімінің жетекші маманы болды.
2005-2010 жылдары Қызылорда облысының ауыл шаруашылығы басқармасының бөлім басшысы, Қызылорда облысы әкімі аппаратының ұйымдастыру-инспекторлық жұмыс және аймақтық даму бөлімінің бас инспекторы қызметтерін атқарды.
2010-2012 жылдары Қазалы ауданы әкімінің орынбасары, Қызылорда облысының ауыл шаруашылығы басқармасы бастығының орынбасары болды.
2012 жылдан осы кезге дейін Қызылорда облысының жер қатынастары басқармасының басшысы қызметін атқарып келді.