Қызылорда облысында шілдеден бері 370 тұрғын ауласында тығылып той жасаған
Оның ішінде халыққа қызмет көрсету нысандарындағы бұзушылық саны – 364 , үй жағдайында ұйымдастырылған мерекелік-көпшілік іс-шаралар саны - 370 және көшедегі топтық жиналу саны - 18 .
Карантин талаптарын бұзудың аудандар бойынша көрсеткіші:
Арал ауданы - 94
Қазалы ауданы - 153
Қармақшы ауданы - 77
Жалағаш ауданы - 88
Сырдария ауданы - 3 8
Шиелі ауданы - 59
Жаңақорған ауданы - 73
Қызылорда қаласы - 144
Анықталған 752 карантин талаптарын бұзушылықтар бойынша ҚР ӘҚБтК 425-бабының 1-бөлігімен жалпы сомасы 35 225 040 теңгеге әкімшілік айыппұл салынды.
Карантин талаптарын бұзушылықтың басым бөлігі үй жағдайында көпшілік жиын ұйымдастыруға қатысты және қоғамдық тамақтану орындары, азық-түлік сауда орындарына қатысты анықталған. Оның ішінде жеке кәсіпкерлікке қатысты- 14 , нысандарға қатысы бар жеке тұлғаларға- 351 , ал нысандарға қатысы жоқ жеке тұлғаларға қатысты 387 әкімшілік хаттама толтырылған.
Халыққа қызмет көрсету орындарындағы карантин талаптарын бұзушылықтың басым бөлігі санитариялық талаптардың сақталмауына қатысты анықталған, яғни қызметкерлер маскасыз, қорғаныш қолғаптарынсыз халыққа қызмет көрсеткен, сонымен қатар шекті уақыттан асырып жұмысын жалғастырған нысандар да бар.
Атап айтқанда, 261 дерек маска тағу ережесін бұзуға және әлеуметтік арақашықтықты сақтамауға қатысты, жұмыс жасау уақытының шектелуін бұзу бойынша – 60 , тыйым салынған нысандардың қызмет көрсетуі бойынша – 29, залалсыздандыру талаптарының сақталмауы бойынша– 14 талап бұзушылық орын алды.
27.10.2020 жылы облыс бойынша карантин талаптарын сақтамаған 16 жеке тұлғаға 666 720 теңге әкімшілік айыппұл салынды.
Атап айтқанда:
Қазалы ауданында сауда орнында бетперде тақпау бойынша 2 факті, жеке тұрғын үйде үйлену тойын өткізу бойынша 6 факті анықталды. Карантин талаптарын бұзушыларға 333 360 теңге көлемінде айыппұл салынды.
Сырдария ауданында сауда орнында бетперделік режим сақталмаған және компьютерлік орталық қызметкері қолғапсыз қызмет көрсеткен. Нәтижесінде 83 340 теңге әкімшілік айыппұл салынды .
Шиелі ауданында компьютерлік орталық белгіленген уақыттан асырып жұмыс жасаған 1 факті және жеке тұрғын үйде той өткізу бойынша 3 факті анықталған. Карантин талаптарын бұзушыларға 166 680 теңге айыппұл салынды.
Жаңақорған ауданында қоғамдық тамақтану орны белгіленген шекті уақыттан асырып жұмыс жасаған. Бұдан бөлек, жеке тұлға той өткізген. Нәтижесінде 83 340 теңге айыппұл салынды.
