Қызылордада коронавирусты негізінен орта жастағы кісілер жұқтырған

None
None
ҚЫЗЫЛОРДА. ҚазАқпарат - Қызылорда облысында коронавирус инфекциясын жұқтырған азаматтардың дені - орта жастағылар, деп хабарлайды ҚазАқпарат тілшісі.

Қазірге дейін өңірде қатерлі індетті 3488 адам жұқтырған. Оның 2,4 пайызы сырттан тасымалданғаны нақтыланды.

Ал 57,7 пайызы скринингтік тексеру нәтижесінде белгілі болған. Сондай-ақ, 39,9 пайызы қарым-қатынас арқылы жұқтырған.

Қатерлі індетті жұқтырғандар арасында бір айлық нәрестеден бастап 99 жас аралығындағы азаматтар бар.

Оның ішінде жоғарғы көрсеткіш 20-69 жас аралығындағылар және 70-79 жас шамасындағы азаматтар арасында жиі тіркелген.

- Пандемия басталғалы облыс бойынша 2150 ошақ анықталып, барлығына қорытынды залалсыздандыру жұмыстары жүргізілді. Індетке қарсы профилактикалық шаралар ұйымдастырылды. Сондай-ақ, облыста вирустық этиологиядағы пневмония ауруының 310 жағдайы тіркелді. Оның ішінде, жеті жағдай қаңтар айында анықталды. Бұған қоса, бүгінге дейін 26 оқушы COVID-19 ауруына шалдықты. Бүгінде мектептер санитарлық талаптарды қатаң сақтауда, - дейді Қызылорда облысының бас мемлекеттік санитария дәрігері Динара Жаңабергенова.

Бүгінде облыста 79 жедел жәрдем бригадасы халыққа қызмет көрсетуде.

Мұнан өзге 40 санитарлық автокөлік алынған.

«Айта кетерлігі, жеке қорғаныш заттарының 2 айлық қоры жасақталды. Облыста 210 инфекциялық төсек орын бар. Медициналық ұйымдарға санитайзерлер орнатылды», - деді облыстық денсаулық сақтау басқармасының басшысы Сабит Пазилов.

Айта кетейік, Қызылорда облысында коронавирусқа шалдыққандар күн сайын тіркелуде .


Соңғы жаңалықтар