+7 (701) 759 90 19
USD 432.21 EUR 520.38
RUB 5.67 CNY 66.59
Jańalyqtar

Лима Диас ҮЕҰ жұмысы жайында: Қоғам талқылауына сындарлы пікірлерді енгізу керек

2021 жылғы 27 ақпан 16:52
Бөлісіңіз:
Лима Диас ҮЕҰ жұмысы жайында: Қоғам талқылауына сындарлы пікірлерді енгізу керек

НҰР-СҰЛТАН. ҚазАқпарат – Азаматтық бастамаларды қолдау орталығының Басқарма төрағасы Лима Диас елордада Ақпарат және қоғамдық даму министрінің үкіметтік емес ұйым өкілдерімен кездесуінің қорытындысын айтып берді, деп хабарлайды ҚазАқпарат тілшісі.

«ҮЕҰ мен азаматтық секторды нақты тақырыптар бойынша шектеу мүмкін емес. Азаматтық белсенділер мен қоғамдық ҮЕҰ-лар мемлекеттің барлық қызмет салаларына тартылған. Бүгін Ақпарат және қоғамдық даму министрі мен үкіметтік емес ұйым өкілдерімен, сарапшылармен кездесуі өтті. Бұл ретте түрлі сипаттағы мәселелер талқыланды. Бірінші кезекте үкіметтік емес секторды қолдау, сондай-ақ әлеуметтік-экономикалық ахуалды жақсарту бағытында азаматтық белсенділер, мемлекеттік органдар ынтымақтаса жұмыс істейтін қадамдар қамтылды», - деді Лима Диас.

Оның сөзіне қарағанда, бүгінгі кездесудің ең басты тезисі үкіметтік емес ұйымдардың, сарапшылардың пікірлерін қамтып, ұсыныстар жасауға қатысты болды. Бұл тұрғыда қоғамда кеңінен талқылауға сындарлы пікірді әрі ұстанымды шығаруға екпін қойылып отыр.

«Уақыт алға жылжып келеді, интернет жұмыстың әрі коммуникацияның қадамдарын өзгертіп жатыр. Мемлекеттің үкіметтік емес ұйымдармен өзара іс-қимылды жүргізетін тетіктері де сәйкесінше өзгеріске ұшырауы керек. Қазіргі кезде заңнамаға тиісті өзгерістер енгізіліп отыр және жаңа ұсыныстар пысықталып жатыр», - деді Азаматтық бастамаларды қолдау орталығының басшысы.

Айта кетейік, бүгін Ақпарат және қоғамдық даму министрі Аида Балаева үкіметтік емес ұйым өкілдерімен кездесті. Іс-шара жыл сайын 27 ақпанда атап өтілетін Дүниежүзілік үкіметтік емес ұйымдар күні аясында өтті.

Кездесуден кейін әлеуметтік кәсіпкер Эмин Аскеров соңғы жылдары Қазақстанда әлеуметтік кәсіпкерлік оң қарқында дамып келе жатқанын айтты.

ҚР Парламенті Мәжілісінің депутаты Ерлан Саиров жаһандану процестері алдымызға көптеген талаптарды қойып отырғанын атап өтті.



Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT