+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

Маңғыстау облысы Мақтаарал ауданына 77,5 тонна гуманитарлық көмек жіберді

2020 жылғы 14 мамыр 14:26
Бөлісіңіз:
Маңғыстау облысы Мақтаарал ауданына 77,5 тонна гуманитарлық көмек жіберді

НҰР-СҰЛТАН. ҚазАқпарат - Маңғыстау облысы Мақтаарал ауданына 77,5 тонна жүк жіберді. Бұл туралы Орталық коммуникациялар орталығының өңірлік филиалында өткен брифингте МО ішкі саясат басқармасы басшысының орынбасары Нұртас Сали мәлімдеді.

Түркістан облысы Мақтаарал ауданында орын алған төтенше жағдайға байланысты зардап шеккен тұрғындарға көмек көрсетіп, қолдау білдіру мақсатында Маңғыстау облысында гуманитарлық көмек жинау пунктері ұйымдастырылды.

Пунктерде жүк жинау жұмыстары 4 – 9 мамыр аралығында қалалар мен аудандардағы жастар ресурстық орталықтарының базасында және ірі азық-түлік дүкендері мен базарлардың алдында жүргізілді.

Гуманитарлық жүктің ішінде ұзақ сақталатын азық-түліктер, киім-кешектер мен төсек-жабдықтар, дәрі-дәрмектер және гигиеналық құралдар қамтылды.

Алғашқы гуманитарлық көмек 7 мамыр күні Мақтаарал ауданынан ең шалғай өңір — Жаңаөзен қаласынан жөнелтілді. 7 газель автокөлікпен жалпылай есептегенде 7,5 тоннаға жуық гуманитарлық жүк жіберілді.

Екінші гуманитарлық көмек 9 мамыр күні Ақтау қаласынан және Бейнеу, Мұнайлы, Қарақия аудандарынан жіберілді. 2 фура және 14 газель автокөлікпен жалпылай есептегенде 70 тоннаға жуық гуманитарлық жүк мақтааралдықтарға жөнелтілді.

«Жалпылай алғанда, осы аралықта 77,5 тоннаға жуық гуманитарлық жүк Маңғыстау жұртшылығы атынан түркістандықтарға жеткізілді», - деді Нұртас Сали.

Бүгінгі күні Түркістан облысында арнайы жүк жинау қоймалары ұйымдастырылып, тұрғындарға тарату жұмыстары жүргізілуде.


Біздің каналымызға жазылыңыз:

Бөлісіңіз:

Автор:

Ләйлім Әлім

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT