+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

Маңғыстауда теңіз жағасына шығып қалған кішкентай итбалық құтқарылды

2021 жылғы 21 сәуір 10:49
Бөлісіңіз:
Маңғыстауда теңіз жағасына шығып қалған кішкентай итбалық құтқарылды

АҚТАУ. ҚазАқпарат - Маңғыстауда боздақ (итбалықтың баласы) кішкентай құтқарылды, деп хабарлайды ҚазАқпарат тілшісі. Бұл туралы Ақтау қаласындағы Каспий итбалығын зерттеу және оңалту орталығы хабарлайды.

Ұқсас жаңалықтар

Боздақ (итбалықтың баласы) Ақтау қаласындағы Каспий итбалығын зерттеу және оңалту орталығында екі аптадай болған. Орталыққа түскен кезде әлсіз, салмағы 4,4 келі ғана болса, қазір 7 келіге дейін жетті. Өз күшімен жүзіп, балық ұстай бастады.

Орталық қызметкерлері боздақтың дамуы жақсы және ілгерілеу байқалатынын айтты.

«Боздақтың тәбеті жақсы, өте епті, сонымен қатар өз күшімен тағам жей бастады. Эктопаразиттерден тазарту процедурасын өткіздік»,- делінген хабарламада.

Айта кетейік, Ақтаудағы Каспий итбалығын зерттеу және оңалту орталығына 29 наурызда сағат 10.00-де жергілікті тұрғындардан Баутино кентінде теңіз жағасында итбалықты тапқаны туралы қоңырау түскен. Куәгерлердің айтуынша, итбалық жағада екі күндей жатып қалған.

Орталық мамандары итбалық табылған жерге барып, оған алғашқы ветеринариялық көмек көрсеткен. Алғашында итбалықтың жағдайы қиын және қозғалыссыз жатқан. Сол күні оны орталыққа жеткізген. Мамандардың айтуынша, боздақтың жасы-бір ай, дене салмағы-4,4 келі. Ол бұл жаста 10-12 келі тартуы керек.



Біздің каналымызға жазылыңыз:

Бөлісіңіз:

Автор:

Қаракөз Марат

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT