Маңғыстауда жыршылар байқауының жеңімпазына 1 миллион теңге табысталды
Форт-Шевченко қаласында екі күннен бері өтіп жатқан байқаудың марапаттау рәсімі өтті. Қазылар алқасының ортақ шешімімен бас жүлдеге тігілген 1 млн теңге маңғыстаулық Оспан Құлсымаққа табысталды. Сондай-ақ, ол Мұрын жыраудың домбырасын ұтып алды.
Ал 1-орын 700 мың теңге Батыс Қазақстаннан келген Фархат Оразовқа бұйырды. 2-орынды 500 мың теңгеден алматылық жыршы Айдос Тұрар мен қызылордалық Хасенхан Кішкенеева иеленді.
Маңғыстаулық Манаш Әділбаев, қызылордалық Түрікпен Күнсұлу, нұр-сұлтандық Бектасов Абылайхан және маңғыстаулық Бердібай Тойғұлиевтар 3-орында. Қалған талапкер жыршыларға алғыс хаттар мен арнайы сыйлықтар табысталды.
Айта кетейік, жыршының құрметіне орай ұйымдастырылған байқаудың мақсаты - «Қырымның қырық батыры» сынды мұраны және осы заманға жеткізуші Мұрын жыраудың есімін жас орындаушылар арасында кеңінен насихаттау, рухани мұраны жаңғырту.