10:51, 14 Сәуір 2021 | GMT +6

Мәжіліс ЕАЭО аясында Қырғызстанның кедендік-тарифтік мөлшерлемесіне қатысты құжатты мақұлдады

НҰР-СҰЛТАН. ҚазАқпарат – Парламент Мәжілісінің жалпы отырысында «2014 жылғы 29 мамырдағы ЕАЭО шартқа Қырғыз Республикасының қосылуына байланысты Қырғыз Республикасының 2014 жылғы 29 мамырдағы ЕАЭО туралы шартты, ЕАЭО құқығына кіретін жекелеген халықаралық шарттарды және ЕАЭО органдарының актілерін қолдануы жөніндегі жағдайлар мен өтпелі ережелер туралы 2015 жылғы 8 мамырдағы хаттамаға өзгеріс енгізу туралы хаттаманы ратификациялау туралы» заң жобасы мақұлданды, деп хабарлайды ҚазАқпарат тілшісі.

Қырғыз Республикасы Еуразиялық экономикалық одаққа 2015 жылғы тамызда қосылды. Экономиканы ЕАЭО-ның талаптарына бейімдеу мақсатында Қырғыз Республикасына 222 тауар бойынша бірыңғай кедендік тариф мөлшерлемелеріне көшу үшін бес жылдық кезең берілген.

«Қырғыз тарапы неғұрлым төмен баж салығын қолданған өтпелі кезең 2020 жылғы 1қаңтарда аяталуы тиіс еді. Алайда мемлекеттің тұрақсыз экономикалық және әлеуметтік жағдайын ескере отырып, Қырғыз Республикасының Президенті 2019 жылғы желтоқсанда ЕАЭО мемлекеттері басшыларының саммиті барысында алып қою тауарларына қатысты неғұрлым төмен баждарды қолдану мерзімін ұзарту туралы өтініш жасады. Талқылау қорытындысы бойынша мемлекет басшылары, сондай-ақ Жоғары Еуразиялық экономикалық кеңестің құрметті төрағасы, ҚР Тұңғыш Президенті-Елбасы Нұрсұлтан Назарбаев өтпелі кезеңді бір жылға ұзартуға келісе отырып, ізгі ниетін білдірді», - деді Сауда және интеграция министрі Бақыт Сұлтанов.

Оның айтуынша, төменгі баждардың қолдануын ұзарту көлік тобына әсер етпеді.

«2021 жылғы 1 қаңтардан бастап Қырғыз Республикасы барлық тауарларға қатысты ЕАЭО-ның бірыңғай кедендік тарифінің мөлшерлемелеріне көшті», - деді министр.

Тегтер:

Экономика Еуразиялық экономикалық одақ Көлік

Соңғы жаңалықтар

Одан да көп жаңалықтар біздің Телеграм-арнамызда!