+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

Мәжілісте сайлау туралы заңнамаға енгізілетін түзетулер таныстырылды

2021 жылғы 13 сәуір 15:54
Бөлісіңіз:
Мәжілісте сайлау туралы заңнамаға енгізілетін түзетулер таныстырылды

НҰР-СҰЛТАН. ҚазАқпарат – Ұлттық экономика министрлігі «Қазақстан Республикасындағы сайлау туралы» Конституциялық заңға 67 түзету ұсынып отыр, деп хабарлайды ҚазАқпарат тілшісі.

Ұқсас жаңалықтар
Аудан әкімдерін сайлау: Өкілеттік қандай жағдайларда тоқтатылады Сайлауға өту шегін төмендету, «Барлығына қарсымын» графасын енгізу: Мәжіліс Президент ұсыныстарын қолдады Мәжіліс аудан әкімдерін сайлау бойынша заң жобасын мақұлдады

Ұлттық экономика министрлігі Мәжіліске «Қазақстан Республикасындағы сайлау туралы» Конституциялық заңға енгізілетін түзетулерді таныстырды. Вице-министр Әлішер Әбдіқадыровтың айтуынша, заң жобасы 67 түзетуден тұрады. Соның ішінде ауыл әкімі лауазымына кандидаттарға қойылатын негізгі талап – жасы 25-тен асқан Қазақстан Республикасының азаматы, әрі сотталмаған болуы керек. Ал біліктілік талаптарына сәйкестігін арнайы тексеру анықтайды.

«Заң жобасы бойынша ауыл әкіміне үміткерді мынадай тәсілдер арқылы ұсынуға болады: саяси партиялар өз мүшелерінің арасынан ұсынады немесе өз-өзін ұсыну жолымен. Өзін-өзі ұсыну үшін тиісті округтегі сайлаушылардың жалпы санының кем дегенде 1 пайызының қолын жинау керек», - деді Әлішер Әбдіқадіров.

Министрдің орынбасары ауыл әкімдерінің сайлауын 40 күн бұрын жариялауды ұсынды.

«Сайлаудың өзі іс басындағы әкімнің өкілеті аяқталғанға 10 күн қалғанда өтуі тиіс. Кандидаттарды тіркеу сайлау жарияланған күннің ертеңінде басталып, сайлау күніне 15 күн қалғанда аяқталады. Яғни, үміткер ұсыну мерзімі 14 күнге дейін жалғасады. Осы уақыт ішінде үміткер тіркелуге қажетті құжаттарды жинап үлгеруі тиіс. Кандидаттарды тіркеу сайлау күніне 10 күн қалғанда аяқталады. Бұл кезеңде аумақтық сайлау комиссиясы ұсынылған құжаттардың растығын тексереді.», - деді вице-министр.

Заң жобасында үміткерлерге үгіт-насихат жұмыстары үшін күн күн уақыт беру көзделіпті.

«Сайлау алдындағы соңғы 10 күндікте үгіт-насихат жұмыстары жүргізіліп, тіркелген үміткерлер туралы ақпараттар БАҚ-та жарияланады. Сайлау өткізілігеннен кейін 3 күн ішінде қорытындысы шығарылады. 7 күннің ішінде сайланған әкімді тіркеу жүзеге асады», - деді водемство өкілі.

Еске салсақ, Президент Қасым-Жомарт Тоқаев Ұлттық қоғамдық сенім кеңесінің бесінші отырысында Сайлау туралы заңнамаға енгізілетін барлық өзгерістер мен толықтырулар пысықталып жатқанын мәлім еткен болатын.

Мемлекет басшысы 7-ші шақырылған Парламенттің 1-ші сессиясын ашқан шарада барлық деңгейдегі сайлау бюллетеньдеріне «бәріне қарсымын» деген жазу енгізген жөн деген пікір айтқан болатын.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT