10:58, 19 Сәуір 2021 | GMT +6
Мемлекет басшысының Жарлықтарымен бірқатар мемлекетке елші тағайындалды
НҰР-СҰЛТАН. ҚазАқпарат - Мемлекет басшысының Жарлықтарымен бірқатар мемлекетке елші тағайындалды, деп хабарлайды ҚазАқпарат Ақордаға сілтеме жасап.
Рәпіл Сейітханұлы Жошыбаев Қазақстан Республикасының Қырғыз Республикасындағы Төтенше және Өкілетті Елшісі лауазымына тағайындалды;
Марғұлан Бақытұлы Баймұхан Қазақстан Республикасының Бельгия Корольдігіндегі Төтенше және Өкілетті Елшісі лауазымына, Еуропа Одағының жанындағы және Солтүстік Атлант Шарты ұйымындағы (НАТО) Қазақстан Республикасы Өкілдігінің Басшысы лауазымына тағайындалды;
Нұрлан Әділұлы Жалғасбаев Қазақстан Республикасының Үндістан Республикасындағы Төтенше және Өкілетті Елшісі лауазымына тағайындалды.
