+7 (701) 759 90 19
USD 419.45 EUR 504.64
RUB 5.68 CNY 64.88
Jańalyqtar

Мүгедек қыздың зорлануына қатысты шағым: Министрлік Шымкенттің әлеуметтік орталығын тексереді

2021 жылғы 25 қаңтар 18:16
Бөлісіңіз:
Мүгедек қыздың зорлануына қатысты шағым: Министрлік Шымкенттің әлеуметтік орталығын тексереді

НҰР-СҰЛТАН. ҚазАқпарат – ҚР Еңбек және халықты әлеуметтік қорғау министрлігі Шыкенттегі әлеуметтік орталықта І топтағы мүгедек қызының зорланып келгенін айтқан ананың шағымынан кейін аталмыш мекемеге жоспардан тыс тексеріс жасайды, деп хабарлайды ҚазАқпарат.

«ҚР Еңбек және халықты әлеуметтік қорғау министрлігінің бастамасымен Шымкент қаласы әкімдігінің «№2 арнаулы әлеуметтік қызмет көрсету орталығы» КММ-де арнаулы әлеуметтік қызметтердің сапасын тексеру мақсатында мониторингілік топ құрылады.

Мониторингілік топтың құрамына бейінді мемлекеттік және жергілікті атқарушы органдардың, қоғамдық бірлестіктердің және өзгелердің өкілдері кіреді.

Комиссия қамқорлыққа алынғандарға қатысты тұру, тамақтану, төсек-орын жабдықтарымен, киіммен және міндетті гигиеналық құралдармен қамтамасыз етілу жөніндегі стандарттардың сақталуын, сондай-ақ көрсетілетін әлеуметтік-медициналық қызметтердің сапасын тексереді.

Шымкент қаласының тұрғыны Әлия Мамутованың Instagram-паблигіндегі үндеухаты тексеру жүргізуге негіз болды. Әйел І топтағы мүгедек қызы мекемеде 7 жыл бойы зорланғанын хабарлады. Оның айтуынша, қызы есінен танып қалған кезде оны пайдаланған, қыз эпилепсиядан зардап шегеді», - делінген Еңбек министрлігінің ақпаратында.

Айта кетейік, қазіргі уақытта аталған факті бойынша ҚР ҚК-нің «Бірнеше рет жасалған зорлау» бабы бойынша сотқа дейінгі тергеу жұмыстары жүргізілуде.

Ведомстводан мәлім еткендей, тексеру нәтижелері туралы қосымша хабарланатын болады.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT