+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Nur Otan: Елордада 10 мың үй газбен жабдықтау желілеріне қосылуға мүмкіндік алды

2021 жылғы 25 қараша 20:26
Бөлісіңіз:
Nur Otan: Елордада 10 мың үй газбен жабдықтау желілеріне қосылуға мүмкіндік алды

НҰР-СҰЛТАН. ҚазАқпарат - «Nur Otan» партиясы Төрағасының бірінші орынбасары Бауыржан Байбек елордада «Nur Otan» партиясының сайлауалды уәделерінің орындалу барысымен танысты, деп хабарлайды ҚазАқпарат.

Ұқсас жаңалықтар
Елордада 4 мың литрден астам дизель отынын заңсыз сату дерегінің жолы кесілді «Учаске» іс-шарасы: Елордада тұрғылықты жері жоқ 197 адам ұсталды «Эйр Астана» Үндістанға тұрақты рейстерін қайта бастайды

Оның айтуынша, Елбасы, партия көшбасшысы Нұрсұлтан Назарбаевтың тапсырмасы бойынша саяси ұйым әр облыста, қалада және ауданда 217 жол картасының іске асырылуына жүйелі бақылау жүргізуде.

Мемлекет басшысы Қасым-Жомарт Тоқаев жария еткен «Өзгерістер жолы: Әр азаматқа лайықты өмір!» атты сайлауалды бағдарлама аясында жыл басынан бері Нұр-Сұлтан қаласында 20 мыңнан астам тұрақты жұмыс орны ашылып, 7 дәрігерлік амбулатория пайдалануға берілді, 96 көше жөндеуден өтті және т.б. Бұл жұмыстардың басым бөлігі қала шетінде жүргізілді.

«Филиал төрағасы, қала әкімі Алтай Көлгіновпен бірге «Өндіріс» тұрғын үй алабындағы №23 мектептің 600 орындық жаңа корпусын араладым. 2019 жылы ел Президенті Қасым-Жомарт Тоқаев бұл ауданда халық тығыз орналасқанындықтан, аталған оқу орнын кеңейтуді тапсырған еді. Жаңа корпустың құрылысы партияның қалалық сайлауалды бағдарламасына енгізілді. Жалпы, партия елордада 2025 жылға дейін 60 мың орынға арналған кемінде 50 жаңа мектеп салу міндетін қойып отыр. Биылдың өзінде 8 жаңа мектеп ашылды, тағы 7 нысанның құрылысы аяқталуда», - деп жазды ол Facebook парақшасында.

Сондай-ақ, Бауыржан Байбек «Өндіріс» тұрғын алабында дене шынықтыру-сауықтыру кешеніне барды. Жыл соңына қарай мұнда күнделікті 500-ден астам адам самбо, кикбоксинг, пауэрлифтинг және басқа да спорт түрлерімен айналыса алады. Жалпы, партияның уәделеріне сәйкес осы жылдың өзінде өңірлерде 127 мыңнан астам секция ашылып, 22 мыңнан астам балалар үйірмесінің жұмысы қайта жанданды.

Содан кейін партия Төрағасының бірінші орынбасары астанадағы ЖЭО-2-ні газға көшіру жұмыстарының барысымен танысты.

«Елбасы «Nur Otan» Саяси кеңесінің отырысында айтқандай, экология мәселелері еліміз бен билеуші партия үшін негізгі басымдықтардың біріне айналуы тиіс. Бүгінде нысан 95%-ке аяқталды. Газдандыру нәтижесінде азот және көміртегі тотықтарының, парниктік газдардың шығарындылары айтарлықтай азайып, көмір күлінің шығарындылары толығымен жойылады. Елбасының өңірлерді газдандыру жөніндегі «Сарыарқа» жобасы аясында жыл басынан бері қалада 10 мыңнан астам үйге газбен жабдықтау желілеріне қолжетімділік қамтамасыз етілді», - деді ол.

Осы күні Бауыржан Байбек қалалық партия активімен бірге елорда бойынша сайлауалды бағдарламаның іске асырылу барысын талқылады.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT