+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Nur Otan партиясының аймақтық филиалдарында бірқатар ауыс-түйіс болды

2021 жылғы 21 қаңтар 16:44
Бөлісіңіз:
Nur Otan партиясының аймақтық филиалдарында бірқатар ауыс-түйіс болды

НҰР-СҰЛТАН. ҚазАқпарат - Nur Otan аймақтық филиалдары басшылығында бірқатар кадрлық жаңартулар жүргізілді. Орталық аппараттың баспасөз қызметі хабарлағандай, жаңа тағайындаулар «Nur Otan»-ның сайлауалды уәделерін тиімді жүзеге асыруға қатысты партия Лидері қойған міндеттерді ескере отырып жүргізілді.

Ұқсас жаңалықтар
Президенттік жастар кадр резервінің мүшесі биржа басқармасына төраға болып тағайындалды Марат Мұхамедсалиев «Самұрық-Қазына» ҰӘҚ» АҚ  PR-қызметін басқаратын болды Егіндікөл ауданына жаңа әкім тағайындалды

Елбасы, партия Лидері Нұрсұлтан Назарбаевтың биліктің атқарушы және өкілді органдарында басшылықтағы әйелдердің үлесін 30%-ке дейін ұлғайту туралы тапсырмасын орындау аясында, «Nur Otan» Алматы облыстық филиалы төрағасының бірінші орынбасары Гүлнар Тойлыбаева болды.

Ол партияда 2007 жылдан бастап бөлім меңгерушісінен облыстық филиал төрағасының орынбасарына дейінгі еңбек жолынан өткен.

Сондай-ақ, «Nur Otan» партиясының Шымкент қалалық филиалы төрағасының бірінші орынбасары болып Жанар Бектаева тағайындалды.

Ол 2019 жылдан бастап Шымкент қаласы әкімдігінің ішкі саясат басқармасының басшысы болып жұмыс істеді.

Мемлекет басшысы Қасым-Жомарт Тоқаевтың белсенді жастарға арналған әлеуметтік лифт құру жөніндегі тапсырмасын іске асыру аясында Nur Otan елордалық филиалы төрағасының бірінші орынбасары болып 30 жастағы Дәулет Кәрібек тағайындалды.

Партияның Саяси кеңесі Бюросының және Президенттік жастар кадрлық резервінің мүшесі. Сарапшыдан бастап «Jas Otan» жастар қанатының төрағасына дейінгі қызметтік жолдан өтті.

Соңғы жұмыс орны – Нұр-Сұлтан қаласы Жастар саясаты мәселелері басқармасының басшысы.

Алматыда партияның қалалық филиалы төрағасының бірінші орынбасары 33 жастағы Мейіржан Отыншиев болды.

Әл-Фараби атындағы ҚазҰУ мен ҚР Президенті жанындағы Мемлекеттік басқару академиясының түлегі.

Еңбек жолын Алматы қаласы Жұмыспен қамту және әлеуметтік бағдарламалар басқармасының маманы болып бастаған.

Соңғы 2 жылда Алматы қаласы әкімдігінің Тұрғын үй саясаты басқармасы басшысының орынбасары болып істеді.

Саяси кеңестің аймақтық бюросының ұсынуымен партияның Жамбыл облыстық филиалы төрағасының бірінші орынбасары болып Дауыл Бейсенқұлов тағайындалды.

Ол осы тағайындауға дейін Жамбыл облысы әкімдігінің ішкі саясат басқармасын басқарды.

Партияның баспасөз қызметі таратқан ақпаратқа сәйкес, Ерлан Қаналимов (Нұр-сұлтан), Станислав Канкуров (Алматы), Бахадыр Нарымбетов (Шымкент) және Жанболат Жөргенбаев (Алматы облысы) аталған өңірлер мәслихаттарының хатшылары болып сайланды.

Өз кезегінде Ақмола, Ақтөбе, Алматы, Атырау, Батыс Қазақстан, Қызылорда, Маңғыстау, Павлодар, Солтүстік Қазақстан және Түркістан облыстық филиалдары төрағасының бірінші орынбасарлары өңірлік мәслихаттардағы «Nur Otan» фракцияларының басшысы қызметін қоса атқарады.

Баспасөз қызметінде атап өткендей, кадрларға қатысты мұндай шешім «Nur Otan» партиясының аймақтық сайлауалды бағдарламаларын сапалы жүзеге асыру және сайлауаралық кезеңде тиісті жұмысты ұйымдастыру бойынша партия басшылығы қойған міндеттерге толық жауап береді.

Біздің каналымызға жазылыңыз:

Бөлісіңіз:
Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT