01:20, 05 Желтоқсан 2019 | GMT +6
Нұр-Сұлтан-Қарағанды жолында көлік қозғалысы шектелді
НҰР-СҰЛТАН. ҚазАқпарат – Нұр-Сұлтан мен Қарағанды арасындағы жолда көлік қозғалысы шектелді, деп хабарлайды ҚазАқпарат қалалық ТЖД-ға сілтеме жасап.
Нұр-Сұлтан қаласы Төтенше жағдайлар департаментінің мәлімдеуінше, 5 желтоқсанда синоптиктердің болжауынша, тұман түсіп, көктайғақ болады.
«4 желтоқсанда сағат 23:40-та ауа райының қолайсыздығына байланысты (көктайғақ) Нұр-Сұлтан-Қарағанды жолында қоғамдық және жүк көліктерінің жүрісі шектелді», делінген хабарламада.