20:30, 02 Сәуір 2021 | GMT +6
Нұр-Сұлтанда 3 сәуірде болатын маңызды шаралар аңдатпасы
НҰР-СҰЛТАН. ҚазАқпарат - «ҚазАқпарат» халықаралық ақпарат агенттігі елімізде 3 сәуір күні болатын маңызды шаралар аңдатпасын ұсынады.
Сағат 10:00-де Жер реформасы жөніндегі комиссияның кезекті отырысы өтеді. Карантиндік шектеулерге байланысты іс-шара ҚР Ауыл шаруашылығы министрлігінің ресми сайтынан және YouTube арнасынан көрсетіледі. Сондай-ақ, «Хабар24» телеарнасы комиссия отырысынан тікелей қосылымдар ұсынатын болады
Сағат 17.00-де Ресей ғылым және мәдениет орталығында Ресей Федерациясының Ямал-Ненецк автономиялық округі делегациясымен кездесу болады. Аталған округ делегациясы Қазақстанға Екінші дүниежүзілік соғыстың тарихи жадын сақтау шараларын бірлесе жүзеге асыру үшін келеді.