18:32, 19 Ақпан 2020 | GMT +6
Нұр-Сұлтанда автокөлік өртенді
НҰР-СҰЛТАН. ҚазАқпарат – Елордада Audi маркалы машина өртенді, деп хабарлайды ҚазАқпарат ТЖК баспасөз қызметіне сілтеме жасап.
19 ақпан күні сағат 17:55-те Нұр-Сұлтан қаласы өрт сөндіру қызметінің пультіне Республика және Кенесары көшелерінің қиылысында автокөлік өртеніп жатқаны туралы хабарлама түсті.
Өрт сөндірушілер оқиға орнына келгенде Audi маркалы автокөлік жанып жатқан. Жедел іс-қимыл арқылы өрт 18:06-да тоқтатылды. Мерт болғандар мен зардап шеккендер жоқ.