21:53, 22 Қазан 2019 | GMT +6
Нұр-Сұлтанда конькимен жүгіру спортынан ел чемпиондары анықталады
НҰР-СҰЛТАН. ҚазАқпарат – Елордада конькимен жүгіру спортынан Қазақстан Республикасының чемпионаты өтеді, деп хабарлайды ҚазАқпарат.
ҚР Мәдениет және спорт министрлігі Спорт және дене шынықтыру істері комитетінен мәлім еткендей, чемпионат 23-25 қазан күндері аралығында «Алау» Спорт сарайында өтеді.
«Турнирде еліміздің барлық өңірлерінен 100-ден астам спортшы бақ сынайды. Сонымен қатар, ҚР Ұлттық құрамасының жетекші спортшылары қатысады», - деді комитеттің баспасөз қызметінен.
Жарыс бағдарламасы:
23 қазан - 500 м (ерлер, әйелдер) және 1000 м (ерлер, әйелдер) жүгіру.
24 қазан –3000 м (әйелдер), 5000 м (ерлер). Топтық спринт - әйелдер, ерлер.
25 қазан - 1500 м (әйелдер, ерлер). Топтық жарыс - әйелдер, ерлер. Масс-старт - әйелдер,ерлер.