Нұр-Сұлтандағы жұмыссыздық деңгейі – 4,6%

Басқарма басшысының айтуынша, шағын және орта бизнес саласында бірінші жартыжылдық қорытындысы бойынша өнім шығару көлемі 3 трлн 981 млрд теңгені құрады, бұл өткен жылдың сәйкес кезеңімен салыстырғанда 38,7%-ға көбірек.

«2021 жылдың екінші тоқсанында жұмыссыздық деңгейі 4,6%-ды құрады. Кәсіпкерлікті дамытудың ұлттық жобасын іске асыру жыл сайын экономиканың қызмет көрсету салаларында 23 мыңға жуық тұрақты жұмыс орнын құруға мүмкіндік береді», - деді Қайсар Манқараев қалалық мәслихаттағы тұрақты комиссия отырысында.

Сондай-ақ, спикердің айтуынша, 9 айда Нұр-Сұлтандағы өнеркәсіптік өндіріс 982,5 млрд теңгені құрады, мұнда 12,6% өсім бар. Жыл басынан бері 2 млн шаршы метрден астам тұрғын үй пайдалануға берілген, бұл 2020 жылдың көрсеткішінен 11%-ға жоғары.