+7 (701) 759 90 19
USD 412.10 EUR 454.34
RUB 5.82 CNY 57.62
Jańalyqtar

Нұрлан Ноғаев ОПЕК+ елдерімен мұнай бағасын тұрақтандыру шараларын талқылады

2020 жылғы 7 наурыз 11:52
Бөлісіңіз:
Нұрлан Ноғаев ОПЕК+ елдерімен мұнай бағасын тұрақтандыру шараларын талқылады

ВЕНА. ҚазАқпарат - ҚР Энергетика министрі Нұрлан Ноғаев бастаған қазақстандық делегация Австрияда өткен ОПЕК+ бірлескен министрлік мониторинг комитетінің 18-отырысына қатысты, деп хабарлайды ҚазАқпарат тілшісі.

Энергетика министрлігі баспасөз қызметінің мәліметінше, онда әлемдік мұнай нарығын тұрақтандыру жөнінде тиісті ұсыныстар қаралды. Сонымен қатар қазақстандық делегация ОПЕК-ке мүше елдер мен мүше емес мемлекеттердің сегізінші министрлік кездесуіне қатысты. Мәжіліске қатысушылар әлемдік мұнай нарығын тұрақтандыруға бағытталған бірлескен шараларды талқылады. Отырыс қорытындысы бойынша келісімге қатысушылар өзара тиімді әріптестік бойынша кеңес беруді ары қарай да жалғастыру жөнінде шешім қабылдады.

«Сонымен қатар сапар барысында Н.Ноғаев Атом энергиясы жөніндегі халықаралық агенттіктің бас директоры Р.Гроссимен кездесті. Тараптар ҚР мен АЭХА арасындағы серіктестіктің маңызды мәселелерін талқылады, оның ішінде АЭХА-ның төмен байытылған уран Банкін пайдалану мәселесі де бар», - деп атап өтеді министрліктен.

Еске сала кетсек, қазіргі ОПЕК+ келісімі бойынша ОПЕК+ елдерінде биылғы бірінші тоқсанның соңына дейін мұнай өндірудің жалпы көлемін тәулігіне 1,7 млн баррельге азайту ұйғарылған. Бұл ретте 2018 жылдың желтоқсан айында қабылданған қолданыстағы келісім аясында Қазақстанның мұнай өндіру бойынша міндеттемесі тәулігіне 1,843 млн баррель болып отыр.

Айта кету керек, осы келісімнің (2019 жыл қаңтар – 2020 жыл қаңтар) 13 айының қорытындысына сәйкес, Қазақстан өзіне жүктелген міндеттемені орындады.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT