19:48, 25 Наурыз 2021 | GMT +6
Олжас Жұмағұлов Премьер-Министр Кеңсесі басшысының орынбасары болып тағайындалды
НҰР-СҰЛТАН. ҚазАқпарат - ҚР Премьер-Министрінің Өкімімен Олжас Әбдімомынұлы Жұмағұлов ҚР Премьер-Министрі Кеңсесі басшысының орынбасары болып тағайындалды. Бұл туралы ҚР Премьер-Министрінің баспасөз қызметі хабарлайды.
Олжас Жұмағұлов 1990 жылы Алматы қаласында туған. Американдық университетті, Лондон экономика мектебін, Лондонның Корольдік колледжін бітірген.
2013-2016 жж. ҚР Экономика және сауданы дамыту министрлігінде түрлі лауазымдар атқарды.
2016-2018 жж. ҚР АШМ Астана қаласы бойынша аумақтық инспекциясы басшысының орынбасары, министрдің кеңесшісі болып жұмыс істеді.
2018 жылғы ақпаннан шілде айының аралығында ҚР инвестициялар және даму министрінің кеңесшісі болды.
2018-2019 жж. — ҚР Премьер-Министрі орынбасарының кеңесшісі.
2019 жылдың тамыз айынан бері — ҚР Премьер-Министрінің кеңесшісі.