+7 (701) 759 90 19
USD 377.86 EUR 418.74
RUB 6.10 CNY 54.50
Jańalyqtar

Өңірлік журналистерге сапалы контент жасау жолдары үйретілді

2019 жылғы 12 желтоқсан 19:22
Бөлісіңіз:
Өңірлік журналистерге сапалы контент жасау жолдары үйретілді

НҰР-СҰЛТАН. ҚазАқпарат - Павлодар, Ақтөбе және Қостанай қаласында «Мультимедиалық журналистика: сапалы контент дайындау мәселелері» атты бір күндік семинар-тренинг болып өтті, деп хабарлайды ҚазАқпарат.

Үш қалада өткен тегін семинар-тренингке әр қаладан жергілікті БАҚ-тарда жұмыс істейтін 20-дан астам журналист қатысты. Тілшілерге Қайнар Олжай, Мейрамхан Жәпек, Ербол Азанбек, Нұрлан Жанай мен Ержан Қалымбайұлы сынды медиа тренерлер мультимедиалық журналистикаға қатысты дәрістер өткізді. Сонымен қатар, қазақ тілді журналистикадағы ең өзекті тақырыптардың бірі — сапалы контент жасаудың қыр-сырын үйретті.

Семинар-тренинг бағдарламасы шеңберінде тренерлер мультимедиалық контент қалай жасалатынын, оны жасаудың жолдарын көрсетті. Сонымен қатар, журналистерге контентті сауатты жазу, тақырып қою, стилистикалық ерекшеліктер мен ақпаратты визуализациялау, іскерлік журналистика, диджитал журналистиканың ерекшеліктері үйретілді.

Қатысушылар медиа тренерлерге өздерін толғандырған сауалдарын қойып, жауап алды. Журналистердің теориялық және тәжірибелік біліктілігін арттыруға арналған шараға қатысқандарға арнайы сертификаттар мен сыйлықтар табыс етілді. Сонымен қатар, жергілікті журналистерге белгілі журналист Ербол Азанбектің жетекшілігімен жарық көрген «Іскерлік журналистика» кітабы да тарту етілді.

«Ұйымдастырушылар қазақ медиа нарығында алдағы жылдары сапалы контент жасау мәселесі өзекті тақырыпқа айналарына сенімді. Арзан шоу мен дабырасы қалың дүниелер және хайпқа бағытталған бағдарламалардан халық жалыға бастады. Өз өзін өсіргісі келетін, тұлғалық дамып, рухани кемелденгісі келетін тұтынушыларды қазақ тіліндегі сапалы ақпаратпен қамтамасыз етуде БАҚ әлі қауақарсыздық танытып келеді. Көптеген салада ақпарат мүлде тапшы. Салалық, сапалық ақпараттарға сұраныс та күн санап артуда», делінген хабарламада.

Медиа тренерлердің бірі, белгілі публицист Қайнар Олжайдың айтуынша, мұндай шаралар әсіресе, өңірдегі қазақ тілді журналистердің дамуына оң ықпал етіп, заманға сай ілгерлеуіне өз септігін тигізеді. Ұйымдастырушылардың бірі Жанболат Серікбайұлының сөзінше, бұған дейін қазақ тілді журналистерді оқыту шарасының форматы сан түрлі болып келген. Былтыр елордаға біраз өңірлерден журналистер алдыртып, оқытқан. Қараша-желтоқсан айында үш қалада өткен журналистердің білім-білігін арттыруға арналған семинар-тренингке барлығы 70-ке жуық журналист қатысқан. Әр қалаға 20 орын белгіленгеніне қарамастан, кей қалада қатысушылар санын одан асырып жіберуге тура келген. Себебі, қызығушылық танытқан жергілікті журналистердің қарасы мол болған.

Біздің каналымызға жазылыңыз:

Басты сөздер: БАҚ, Аймақ,
Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT