+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Оңтүстікте жер қойнауын пайдаланушылар жаңадан салынған жолдардың тоз-тозын шығарған

2020 жылғы 25 наурыз 18:44
Бөлісіңіз:
Оңтүстікте жер қойнауын пайдаланушылар жаңадан салынған жолдардың тоз-тозын шығарған

ТҮРКІСТАН. ҚазАқпарат – Түркістан облысында жер қойнауын пайдаланушылар жаңадан салынған жолдардың тоз-тозын шығарған. Әсіресе тонналап құм-шағыл қоспасын таситын жүк көліктері 300 шақырым жолды жарамсыз күйге түсірген, деп хабарлайды ҚазАқпарат тілшісі.

Облыстық жол активтері ұлттық сапа орталығы баспасөз қызметінің мәліметінше, өңірде қиыршық тас қазатын 157 кен орны бар. Ал, жолдарды бұзу жәйттері Созақ, Кентау, Сайрам, Түлкібас, Төлеби, Сарыағаш аудандарында орын алған.

Бұл аудандарда карьер иелеріне табиғатқа залал келтіргені үшін былтыр 6 млн теңгеден астам айыппұл салынған. Инфрақұрылымды бүлдіргені үшін басым көпшілігі жауапқа тартылмай қалған.

Тәртіп бойынша жүк көліктерінің салмағы 8 тоннадан аспауы керек. Алайда өңірде мұны қадағалайтын екі-ақ мобильді топ бар болып шықты. Заңсыз тасымалдаушыларды бәрін бірдей құрықтауға олардың күші жетпейді. Сол себепті миллиардтаған теңгеге жасалған жолдар жыл өтпей жатып, жарамсыз күйге түсетіні белгілі.

Айта кетейік, облыс аумағында жүк көліктеріне жүруге рұқсат етілген 1067 шақырым жол бар.


Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT