19:31, 25 Маусым 2020 | GMT +6
Оралда автокөлік аударылып, жолаушы мерт болды
ОРАЛ. ҚазАқпарат – Орал қаласында автокөлік аударылып, жолаушы мерт болды, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға 25 маусым күні сағат 00.30-да болды.
«Лада Калина» автокөлігінің 1980 жылғы жүргізушісі Атамекен көшесінде келе жатып, рульге ие бола алмай қалған. Сөйтіп автокөліктің аударылуына жол берген.
Соның салдарынан автокөлікте отырған 1987 жылғы жолаушы оқиға орнында көз жұмды.
Қазіргі кезде ҚР ҚК 345-бабы 3-бөлігіне (абайсызда кісі өліміне соқтырған жол қозғалысы ережесін бұзу) сәйкес сотқа дейінгі тергеу амалдары жүргізілуде.
Еске сала кетейік, бұдан бұрын Оралда екі автокөлік соқтығысып, жүргізуші қаза тапқанын жазған болатынбыз.