Оралда ер адам газдан уланып, көз жұмды

None
None
ОРАЛ. ҚазАқпарат – Оралда ер адам газдан уланып, көз жұмды, деп хабарлайды ҚазАқпарат тілшісі.

БҚО полиция департаментінің баспасөз қызметінен түскен мәліметке қарағанда, оқиға 4 қараша күні «Зенит» бау-бақша серіктестігінде болды.

Сағат 10.00-де 62 жастағы ер адамның газдан уланып, қаза болғаны тіркелген. Марқұмның денесінде зорлық-зомбылық белгілері жоқ.

Бұл оқиға бойынша Абай полиция бөлімі тергеу амалдарын жүргізуде.

Облыстық денсаулық сақтау басқармасының баспасөз хатшысы Айнагүл Сақпосынованың айтуынша, 1957 жылғы ер адам жедел жәрдем келгенге дейін қайтыс болған.

Орта дәрежелі газдан уланған 1996 және 1995 жылғы жігіттер қалалық көпбейінді ауруханаға жеткізілді.

Еске сала кетейік, бұдан бұрын БҚО-да өрт орнынан 95 жастағы кейуананың мүрдесі табылғанын жазған болатынбыз.

Соңғы жаңалықтар