01:36, 04 Мамыр 2021 | GMT +6
Оралда көшенің қақ ортасында көлік өртеніп кетті
ОРАЛ. ҚазАқпарат – Орал қаласында автокөлік өртеніп кетті, деп хабарлайды ҚазАқпарат тілшісі.
БҚО Төтенше жағдайлар департаментінің баспасөз қызметі мәлім еткеніндей, оқиға 3 мамыр күні кешкісін болды.
Сағат 20.31-де Ә.Молдағұлова көшесі, 24 мекенжайында Great Wall Safe автокөлігінің жанып жатқаны жөнінде хабар түскен.
«Тілсіз жау» №5 өрт сөндіру бөлімінің күшімен (6 қызметкер, 1 техника) сағат 20.56-да ауыздықталды.
Зардап шеккендер жоқ.
Қазіргі кезде өрттің шығу себебі, келтірілген шығын анықталу үстінде.
