Оралда «Пивовар» кафесі өртеніп кетті
БҚО ТЖ департаментінің бастығы Жасұлан Жұмашевтің мәлім еткеніндей, М.Шолоховтің көшесі 35-мекенжайында жазғы кафенің жанып жатқаны жөнінде хабар түскен.
Алдыын ала мәлімет бойынша өрт аумағы 250-300 метрді құрады. Кафенің жанында қос бірдей жанар-жағар май құю стансасы болғандықтан, гарнизонды жұмылдыру жөнінде шешім қабылданды.
Өрт сөндірушілердің батыл да жедел іс-әрекеті нәтижесінде оқиға орнынан 4 газ, 2 оттегі баллоны және ақша айырбастау пунктінен құнды заттар шығарылды.
Зардап шеккендер жоқ.
«Тілсіз жауды» ауыздықтауға 83 қызметкер, 22 техника қатысты.
Өрт сағат 18.50-де оқшауланып, 19.37-де сөндірілді.
Қазіргі кезде өрттің шығу себебі, аумағы, келтірілген шығын анықталу үстінде.
Сонымен қатар бүгін сағат 16.20-да А.Матросов көшесінде жеке тұрғын үй отқа оранды. Оның аумағы 140 шаршы метрді құрады. Бұл өрт те 16 адам, 5 техниканың қатысуымен сағат 19.50-де сөндірілді.
26 мамыр күні кешкісін Ақжайық ауданы Базаршолан ауылы Абай көшесінде 237 шаршы метр шаруашылық құрылысы мен 6 тонна пішен жанып кетті. Ерікті өрт сөндіру құрылымы мен ауыл тұрғындарының белсенді іс-қимылы нәтижесінде бұл өрт тұрғын үйді шарпымай, бүгін 02.57-де жойылды.