+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Орталық Азия мемлекеттері мен Қытай және Ауғанстан арасындағы сауда мәселесі талқыланды

2020 жылғы 9 желтоқсан 14:35
Бөлісіңіз:
Орталық Азия мемлекеттері мен Қытай және Ауғанстан арасындағы сауда мәселесі талқыланды

НҰР-СҰЛТАН. ҚазАқпарат - Бейнеконференция режимінде сауда және өзара байланыс мәселелері бойынша Орталық Азия, Қытай және Ауғанстан мемлекеттері Сыртқы істер министрлері орынбасарларының отырысы өтті, деп хабарлайды ҚазАқпарат ҚР СІМ баспасөз қызметіне сілтеме жасап.

Ұқсас жаңалықтар
Қазақстанда инвесторлармен жұмыс істейтін арнайы команда құрылды Қазақстанға ЕҚЫҰ іс басындағы төрағасы Анн Линде келді

Отырысқа қатысушылар өңірлік және халықаралық күн тәртібіндегі бірқатар өзекті мәселелер бойынша пікір алмасты. Негізгі назар сауда-экономикалық өзара іс-қимылды және транзит-көліктік саласындағы ынтымақтастықты тереңдетуге аударылды.

Тараптар өңірішілік сауданы кеңейтудің, өңірлік жеткізілімдер тізбегінің тұрақты және үздіксіз жұмысын қамтамасыз етудің, сондай-ақ елдер экономикаларын қалпына келтіру жөніндегі бірлескен шаралардың маңыздылығын атап өтті. Қолданыстағы көлік дәліздерін пайдалана отырып, транзиттік-логистикалық әлеуетті нығайтуға мүдделілік айтылды.

Сыртқы саяси ведомстволар басшыларының орынбасарлары коронавирус инфекциясының таралуына қарсы күрестегі өзара іс-қимылды жоғары бағалады және COVID-19 алдын алу және емдеу бойынша бірлескен шараларды күшейтуге мүдделілік білдірді.

Ауғанстандағы бейбіт процесті ілгерілету және жағдайды саяси реттеу, сондай-ақ онымен сауда-экономикалық, көлік және инфрақұрылымдық байланыстарды нығайту мәселелерінде өзара тиімді ынтымақтастыққа әзірлік білдірілді.

Кездесуге қатысушылар, сондай-ақ, халықаралық терроризм мен экстремизмге, есірткінің заңсыз айналымына, адам саудасына, трансұлттық ұйымдасқан қылмысқа, өңірлік қауіпсіздікке, оның ішінде халықаралық ұйымдар шеңберіндегі басқа да сын-тегеуріндер мен қатерлерге қарсы күрестегі ынтымақтастық мәселелерін қарастырды.


Біздің каналымызға жазылыңыз:

Бөлісіңіз:
Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT