20:10, 19 Ақпан 2021 | GMT +6
Өскеменде шенеуніктердің төбелесі: Мемқызмет агенттігі түсінік берді
НҰР-СҰЛТАН. ҚазАқпарат - Мемлекеттік қызмет істері агенттігінің баспасөз хатшысы Ерхан Таткен «Өскемендегі шенеуніктер төбелесіне» қатысты бейнематериал бойынша агенттіктің позициясын жеткізді, деп хабарлайды ҚазАқпарат.
«Қазіргі уақытта агенттіктің Шығыс Қазақстан облысы бойынша департаменті орын алған жағдайға мемлекеттік қызметшілердің қатысы болуы немесе болмауын анықтау мақсатында тиісті жұмыстарды атқаруда. Агенттік аталған мәселені ерекше бақылауға алды. Тексеріс нәтижелері туралы жұртшылыққа қосымша хабарланатын болады», - деді Е.Таткен.
Еске салайық, Instagram-аккаунттардың бірінде видео жарияланған болатын. Видеоға берілген комментарийде айтылғандай, Өскемен мейманханаларының бірінде қала шенеуніктері жанжалдасып, оның соңында бір адам пышақ жарақатын алды.