Өскеменде такси жүргізушісі жолаушының сөмкесін тартып алды

ӨСКЕМЕН. ҚазАқпарат – Өскеменде қаласында такси жүргізушісі жолаушының сөмкесін тартып алған, деп хабарлайды ҚазАқпарат тілшісі.

Ұқсас жаңалықтар

Теміртаудағы жағдай: Жеңіс Қасымбек «АМТ»-ны қатаң сынға алды

Алматыда үш қабатты қонақүй мен гүл сататын дүкен сүрілді БҚО-да полиция қызметкерлері келіншекті автокөлікте босандырып алды Ганада екі автобус соқтығысып, 16 адам қаза тапты

ШҚО Полиция департаменті баспасөз қызметінің мәліметіне сүйенсек, «102» жедел арнасына қоңырау шалған 43 жастағы қала тұрғыны өзін такси жүргізушісінің тонап кеткендігін айтқан.

«Анықталғандай, жәбірленуші жол ақысын төлей алмаған. Такси жүргізушісі оны үйдің ауласынан түсіріп, әмияны, жеке куәлігі, 500 теңге ақшасы, банк картасы мен ұялы телефоны салынған сөмкесін алып кеткен. Осының салдарынан келтірілген материалдық шығын 45 000 теңгеге бағаланды», - деді ШҚО ПД бастығы Сағат Мәдиев.

Жедел-іздестіру шараларын жүргізу барысында криминалдық полиция қызметкерлері 31 жастағы ер адамды ұстады. Күдікті өз кінәсін мойындап отыр.

Аталған факті бойынша ҚР ҚК-нің 389-бабы 1-бөлігі бойынша сотқа дейінгі тергеу жүргізілуде.