«Отбасы банкі» базасында Тұрғын үймен қамтамасыз ету орталығы құрылады

НҰР-СҰЛТАН. ҚазАқпарат – «Отбасы банкі» базасында «Тұрғын үймен қамтамасыз ету жөніндегі орталық» құрылады. Бұл туралы Үкімет отырысында тұрғын үй саясатының жаңа тәсілдерін жариялаған ҚР Индустрия және инфрақұрылымдық даму министрі Бейбіт Атамқұлов айтты, деп хабарлайды ҚазАқпарат тілшісі.

Ұқсас жаңалықтар

Депутат жастарға жалға берілетін пәтер құрылысын қаржыландыруды сұрады

«Алматы жастары» тұрғын үй бағдарламасына өтінім қабылдау 10 наурыздан басталады Алматыда жеңілдікпен пәтер алудың жолдары қандай Баспана мәселесі: Алматы қаласы бойынша өзекті сұрақтардың жауабы

«Кезек мәселесін шешу үшін Мемлекет басшысы жергілікті атқарушы органдардағы тұрғын үй кезектілігін бере отырып, «Қазақстанның тұрғын үй құрылыс жинақ банкі» негізінде толыққанды даму және қолдау институты ретінде «Отбасы банк» құруды тапсырған болатын. «Отбасы банкі» жұмысының негізгі қағидаты ең алдымен, халықтың әлеуметтік осал топтары үшін баспананың қолжетімділігін арттыруға бағытталады», - деді министр.

Оның айтуынша, «Отбасы банкі» базасында «Тұрғын үймен қамтамасыз ету жөніндегі орталық» құрылады.

«Ол үйге мұқтаж жандарды есепке алады. Сондай-ақ, қолжетімділік сатысына сәйкес тұрғын үйді кезекке қойылған күні бойынша бөледі. «Тұрғын үймен қамтамасыз ету жөніндегі орталық» базасы жеке тұлғалардың мемлекеттік дерекқорларымен интеграцияланады. Базаға деректі қайта енгізуге жол берілмейді. Азаматтар мемлекеттік бағдарламаларға бір рет қана қатыса алады», - деді Бейбіт Атамқұлов.