13:34, 09 Қараша 2021 | GMT +6
Өзбекстандағы шаңды дауылдың спутниктен түсірілген суреттері жарияланды
ТАШКЕНТ. ҚазАқпарат – Синоптиктер Өзбекстан мен Орталық Азияның басқа да елдерін басып қалған шаңды тұманның спутниктік суретін жариялады, деп хабарлайды ҚазАқпарат меншікті тілшісі Өзгидрамет-ке сілтеме жасап.
Суретке түсірілген шаңды дауыл Өзбекстанның Ташкент, Сырдария, ішінара Жизақ және Ферғана облыстарында, сондай-ақ Қазақстанның оңтүстік облыстарында және Тәжікстанның кейбір облыстарында тіркелген.
Еске сала кетейік, 4 қарашада Өзбекстан аумағын синоптиктердің мәліметінше, 150 жыл ішінде алғаш рет байқалған шаңды дауыл басып қалған болатын. Алғашқы күндері ауадағы шаң мен құмның шоғырлану мөлшері нормадан 30 есе асып түсті.
Авторы: Мәдібек Жәнібеков