Париждегі «Қорқыт ата» мәдени орталығы қандастарға қазақ тілін оқытып жатыр
«Мен Францияда Қорқыт ата атындағы қазақ мәдени орталығын басқарамын. Біздің орталық балаларға қазақ тілі мен қазақ өнерін үйретіп, қазақ биі, халықаралық аспаптар, фортепиано, қолөнер және тоғызқұмалақ үйірмелерін ұсынады. Оған қоса біз жылына 12 мереке өткіземіз. Қазақстаннан келген ансамбльдерге гастрольдер ұйымдастырып береміз. Мәселен, жақында ғана Астана мюзикл театрының, Әуезов театрының гастроліне көмек көрсеттік. «Отандастар» қоры ұйымдастырып жатқан «Қастерлі қалам» жобасы аясында Францияда да қазақ сыныбы ашылып жатыр. Ана тілін ұмытып бара жатқан жастарға қазақ тілі пәнін оқытудамыз», - деді елордада өткен «Отандастар. Болашаққа бағдар» атты халықаралық дөңгелек үстелінде онлайн режімде отандастарында жолдаған сәлемінде.
Айгерім Ерсаинова өз сөзінде «Қастерлі қалам» жобасының жолға қойылғанына алғысын білдірді.
«Осының арқасында көптеген мәселелерді шешіп жатырмыз. Мәселен, Наурыз мерекесін өткізген кезде »Отандастар« қоры костюммен, мереке өткізуге қажетті керек-жарақтармен көмектескен еді. Мерейтойымыз алғашқы кезден бастап-ақ керемет деңгейде өтіп жатыр. Бәріңізге сәттілік тілеймін», - деді Айгерім Ерсаинова.
Еске сала кетсек, ҚР Ақпарат және қоғамдық даму министрі Дәурен Абаев бұған дейін шетелдегі қандастардың өз тілін ұмытпай, оқуына мүмкіндік жасау үшін «Қастерлі қалам» жобасы жолға қойылғанын айтқан болатын.