Павлодар облысына шет мемлекеттерден COVID-19 жұқтырған 108 адам келген

None
None
ПАВЛОДАР. ҚазАқпарат - ҚР Мемлекеттік шекарасының Павлодар облысының аумағындағы бөлігінде 4 автокөлік өткізу пунктінде, азаматтардың ел аумағына келуіне мониторинг тәулік бойы жүргізіліп келеді.

Бұл туралы ҚазАқпарат ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссияның Telegram каналына сілтеме жасап хабарлайды.

Онда жарияланған мәліметтерге қарағанда, бүгінгі күні 14 014 ПТР-зерттеу жүргізіліп, COVID-19-дың шеттен әкелінген 108 жағдайы тіркелген.⠀

Шектеулер шаралары енгізілген сәттен бастап Павлодар облысына 52 133 адам (орташа есеппен тәулігіне 150-400 адам), оның ішінде 32 980 - халықаралық тасымалдарды жүзеге асыратын жүргізушілер және 19 153 жолаушы келген.⠀

ПТР-тексеру үшін карантиндік стационарларға 1 915 ҚР азаматы орналастырылған. Анықтамасыз келген 747 шетел азаматтары шекарадан кері қайтарылды.⠀

Соңғы тәулікте шекарадан 303 адам өтті (118 жаяу, 185 жүк көлігінің жүргізушісі), карантиндік стационарға 5 қазақстандық орналастырылған.⠀

Бір тәулік ішінде «Үрлітөбе» бекетінде COVID-19-дың 3 расталған жағдайы (симптомсыз) анықталды. Үшеуі де екі жақты жүк тасымалдауды жүзеге асыратын жүргізушілер. Екеуі Павлодар қаласының және біреуі Петропавл қаласының тұрғындары.

Сондай-ақ, 2021 жылдың 14 қаңтарында ПТР талдауының теріс нәтижесі көрсетілген анықтамасыз шекарадан өтпек болған Өзбекстан азаматына елге кіруіне тыйым салынды.


Соңғы жаңалықтар