Павлодарда барға келушілер 5 сағат бойы полициядан жасырынып отырған

Аталған факті бойынша мекеме иесін жауапкершілікке тарту үшін материал тауарлар мен қызметтердің қауіпсіздігі сапасын бақылау басқармасына жіберілді.
- Демалыс күні сағат 22.30-да полицияға Астана көшесі, 16/2 бойынша караоке бардың жұмыс істеп тұрғаны туралы ақпарат келіп түсті. Мекеменің ішіндегілер құлыптап жауып алып, тәртіп сақшыларына есікті ашпай қойған. Бардың жанында полицейлер келушілердің шығуын 5 сағат күтуге мәжбүр болды, ал әкімшілік таңғы 3.30-да ғана мекемені ашты, - дейді облыстық ПД баспасөз қызметінде.

Жеке тұлғаларды тексеру және анықтау үшін полиция бөліміне 28 келуші мен 7 бар қызметкері жеткізілді.
- Демалыс күні 8 бұзушылық анықталды. Сағат 21.40-та Малайсары батыр көшесіндегі қаланың лаундж-барларының бірі жұмыс істеген. Мұнда келушілер кальян шегіп, 30-дан астам адамның қатысуымен би кешін өткізген. Кальян шеккен клиенттерге қатысты ҚР ӘҚБК 441-бабы бойынша әкімшілік іс қозғалды. Мекеме әкімшісі кальян тұтынуға жол бергені үшін ҚР ӘҚБК 441-бабы бойынша жауапкершілікке тартылды. Сондай-ақ оған қатысты ҚР ӘҚБтК-нің 425-бабы бойынша материалдар жинақталып, тауарлар мен қызметтердің сапасы мен қауіпсіздігін бақылау басқармасына жолданды, - дейді департаментте.

Тәртіп сақшылары азаматтарға мониторинг топтарымен карантин режимін бұзушылықтарды анықтау бойынша жұмыс жалғасып жатқанын еске салады. Сондай-ақ, барлық санитарлық нормаларды сақтауға кеңес береді.