Павлодарда жол апатынан 5 адам зардап шекті

None
None
ПАВЛОДАР. ҚазАқпарат - Павлодар қаласының маңында жол апатында 5 адам зардап шекті, деп хабарлайды ҚазАқпарат Pavlodarnews.kz сайтына сілтеме жасап.

Облыстық Денсаулық сақтау басқармасы баспасөз қызметінің мәліметінше, 24 ақпан күні кешке «103» қызметіне Ленин кентінің жанындағы республикалық тасжолда екі көлік соқтығысқаны туралы хабарлама түскен. Жол апатынан бес адам зардап шекті.
«1964 және 1986 жылдары туған екі ер адамға жабық бас сүйек-ми жарақаты және бас миының шайқалуы диагнозы қойылды», - делінген хабарламада.

Сондай-ақ, жол апатынан үш әйел зардап шеккен, оның біреуі 81 жастағы зейнеткерде кеудесінің жабық сынығы анықталды.

1966 және 1974 жылдары туған екеуінде білек буынының көгеруі тіркелді, олардың біреуі ауруханаға жатқызудан бас тартты.

Барлық зардап шеккендер №1 қалалық ауруханаға жеткізілді.

Соңғы жаңалықтар