Павлодарлық өрт сөндірушілер газ жарылысының алдын алды

None
ПАВЛОДАР. ҚазАқпарат - Павлодарда жартылай фабрикаттар цехында өрт шықты. Оған газ және газбен жабдықтау жүйелері объектілерін пайдалану қауіпсіздігі жөніндегі талаптардың бұзылуы себеп болған, деп хабарлайды Рavlodarnews.kz.

Облыстық ТЖД баспасөз қызметінің мәліметінше, 24 қаңтарда сағат 16:07-де Циолковский көшесі, 30 мекенжайы бойынша өрт шыққаны туралы хабарлама түскен. Жартылай фабрикаттар цехының аумағында ГАЗ автокөлігінен газ жылу беру жүйесі үшін қарастырылған жер асты газгольдерден сұйытылған газбен толтыру кезінде газ-ауа қоспасы жарылған. Салдарынан 8 шаршы метр аумақта газ жанған.
- Резервуарларға жанармай құю кезінде газды жылыту жүйесі қосылған, ал жанармай құю кезінде газ ағып кеткен. 1990 және 1985 жылы туған ер адамдар 1-2 дәрежелі жалынмен термиялық күйік алды. Көлемі 1%-дан аз, апаттар медицинасы орталығының қызметкерлері алғашқы медициналық көмек көрсетті, ауруханаға жатқызудың қажеті болған жоқ. Өртті жойғаннан кейін газдың таралуын болдырмау үшін механикалық көбік қолданылды, - дейді Павлодар қаласы ТЖ басқармасы бастығының орынбасары азаматтық қорғау майоры Тілекжан Галямов.

Барлау жүргізу кезіндегі жану белгілерін болдырмау мақсатында жедел-құтқару жасағының қызметкерлері полиция қызметкерінің қатысуымен № 1 гаражды ГАСИ құралының көмегімен ашты. Жалын сағат 16:53-те ауыздықталды.


Соңғы жаңалықтар