+7 (701) 759 90 19
USD 419.66 EUR 500.44
RUB 5.62 CNY 64.73
Jańalyqtar

Петропавлда 3 жасар қызын өлімші етіп сабаған 22 жастағы келіншек қамауға алынды

2021 жылғы 22 қаңтар 21:31
Бөлісіңіз:
Петропавлда 3 жасар қызын өлімші етіп сабаған 22 жастағы келіншек қамауға алынды

ПЕТРОПАВЛ. ҚазАқпарат – Петропавлда 3 жасар қызын есінен танғанша ұрып, миына зақым келтірген 22 жастағы келіншек уақытша ұстау изоляторына қамалды, деп хабарлайды ҚазАқпарат тілшісі.

Ұқсас жаңалықтар
Солтүстік Қазақстанда анасы ұрған 3 жасар қыз қайтыс болды

Солтүстік Қазақстан облысы полиция департаменті баспасөз қызметінің мәліметінше, Петропавлда кішкентай қызының денсаулығына ауыр зиян келтірді деген күдікпен қала тұрғынына қатысты сотқа дейінгі тергеп-тексеру басталды.

17 қаңтар күні полицияға облыстық балалар ауруханасына ес-түссіз күйдегі 3 жасар қыздың жеткізілгені жайлы хабар түседі.

Миына зақым келген бала бірден жансақтау бөліміне жатқызылды. Сәбиді ұрып-соқты деген күдікпен оның анасы қамауға алынды.

«Көрінеу кәмелетке толмаған адамға қатысты денсаулыққа қасақана ауыр зиян келтіру» бабы бойынша сотқа дейінгі тергеп-тексеру жүргізілуде.

Қылмыстық іс аясында қажетті бірқатар сараптама тағайындалды. Күдікті - 22 жастағы келіншек бұрын сотталмаған. Ол уақытша ұстау изоляторына қамалды.

«Сотқа дейінгі тергеу барысында күдіктілер анықталып, олардың әрқайсысының іс-әрекеті бағаланады. Қылмыстық істі СҚО полиция департаменті мен прокуратура басшылығы бақылауда ұстап отыр», - дейді баспасөз қызметіндегілер.

СҚО білім басқармасы баспасөз қызметінің мәліметінше, келіншек қызын дүниеге әкелісімен қиын материалдық жағдайына байланысты уақытша сәбилер үйіне орналастырған.

«Әйел қызына жиі келіп тұрды. Бес ай өткесін алып кетті. Туу туралы куәлік негізінде және ата-анасының рұқсатымен сәби әкесінің отбасында тұрды. Ал желтоқсан айында әкесі қызын анасына қайтарып берген. Баланың анасына қатысты сот үкімі шығысымен қамқоршылық және қорғаншылық органдары әйелді ата-ана құқығынан айыру мәселесін көтереді» делінген баспасөз хабарламасында.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT