+7 (701) 759 90 19
USD 426.14 EUR 517.08
RUB 5.74 CNY 66.17
Jańalyqtar

Петропавлда ер адам әскери жасаққа шабуыл жасаған

2021 жылғы 20 сәуір 15:05
Бөлісіңіз:
Петропавлда ер адам әскери жасаққа шабуыл жасаған

ПЕТРОПАВЛ. ҚазАқпарат – Петропавлда мас ер адам қала көшелерінде патрульде жүрген әскери жасаққа шабуыл жасады, деп хабарлайды ҚазАқпарат тілшісі.

Ұқсас жаңалықтар
СҚО-да 6 ай бұрын жоғалған балықшының денесі табылды Петропавлда полицейлер 99 жастағы соғыс ардагеріне арнап, аулада концерт ұйымдастырды Семейде алаяққа алданған зейнеткер 3 млн теңгесінен айырылды

Солтүстік Қазақстан облысы полиция департаменті баспасөз қызметінің мәліметінше, 18 сәуір сағат 20.00 шамасында патрульдердің бірі Петропавлдағы Ульянов көшесінде мас жүргіншіні байқаған. Ер адам әскери жасақтың медициналық куәландырудан өту ұсынысына қарсылық білдіріп, өзін агрессивті ұстаған. Арақтың сынған бөтелкесімен өзіне жарақат келтіріп, әскери қызметшіге жұдырық ала ұмтылған.

Шабуыл жасаған ер адам ұсталып, автопатрульге тапсырылды. Аталған факті «Билік өкіліне қатысты күш қолдану» бабы бойынша Сотқа дейінгі тергеп-тексерулердің бірыңғай тізіліміне енгізілді. Күдікті бұрын адам өліміне әкеп соқтырған ауыр дене жарақатын келтіргені және тонағаны үшін бұрын сотталған 29 жастағы Петропавл тұрғыны болып шықты. Медициналық куәландыру оның мастығын растады.

«Күдіктіге қамаққа алу түріндегі бұлтартпау шарасы қолданылды. Баптың санкциясы ірі мөлшердегі айыппұлдан 3 жылға дейін бас бостандығынан айыру жазасын көздейді. Биыл облыс орталығында билік өкіліне қатысты күш қолданудың 2 дерегі тіркелді. Тәжірибе көрсеткендей, мұндай жағдай спирттік ішімдікті асыра пайдаланумен байланысты болады», - дейді Петропавл қалалық полиция басқармасының бастығы Жандос Мұқатов.

Петропавлда күн сайын 151 әскери қызметші құқықтық тәртіпті сақтауға кезекшілікке түседі. Полицияның кешенді күштері құрамында олар қала көшелерін патрульдейді, шақыртуларға барады, бағдарлармен жұмыс істейді.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT