+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Петропавлда көпбалалы отбасылардың терезелері қауіпсіз етіп жасалуда

2020 жылғы 22 мамыр 19:54
Бөлісіңіз:
Петропавлда көпбалалы отбасылардың терезелері қауіпсіз етіп жасалуда

ПЕТРОПАВЛ. ҚазАқпарат – Петропавлда балалардың көпқабатты үйдің терезесінен құлауына жол бермеу мақсатында «Қауіпсіз терезе» акциясы бастау алды, деп хабарлайды ҚазАқпарат тілшісі.

Бұл – Петропавл қалалық әкімдігі мен прокуратураның ортақ бастамасы. Акция аясында жоғары қабатта пәтері бар көпбалалы және әлеуметтік аз қамтылған отбасылардың терезелеріне арнайы бекітпелер орнатылып жатыр.

«Көппәтерлі үйлердің жоғары қабатында тұратындарды таңдап алдық. Бірер күнде 35 отбасыны аралап, терезелеріне бекітпелер орнатамыз. Бір терезеге қойылатын құрылғы 2,5 мың теңге тұрады. Көпбалалы отбасы үшін бұл аз сома емес. Өйткені бір пәтерге кемінде үш-төртеуін орнату қажет», - дейді Петропавл қалалық тұрғын үй қатынастары бөлімінің маманы Ерлан Қайырбеков.

Шаһар тұрғыны Любовь Ушакованың 5 баласы бар. Ең кішілері – 1 және 2 жаста. Әйелдің айтуынша, сәбилері қолды-аяққа тұрмайды, үнемі назарды қажет етеді. Бүгін оның үш бөлмелі пәтерінің терезелеріне арнайы бекітпелер орнатылды.

«Байқамай қалатын кездер болады, мазасыз шақтары ғой. Мамандарға алғысым зор. Былтыр бірнеше бүлдіршіннің терезеден абайсызда құлап кеткенін естідім. Балаларым үшін алаңдап отырамын», - дейді қала тұрығы Любовь Ушакова.

Былтыр СҚО-да 4 бүлдіршін үйдің жоғары қабатынан құлап кетті. Үшеуі сол жерде мерт болса, біреуі мүгедек болып қалды. «Қауіпсіз терезе» акциясы алда жалғасын табады.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT