Полицейлерден қашып жүрген Үржар ауданының тұрғыны Алматы облысында ұсталды

ТАЛДЫҚОРҒАН. ҚазАқпарат - Жарты жыл полицейлерден қашып жүрген Шығыс Қазақстан облысындағы Үржар ауданының тұрғыны Алматы облысында қолға түсті, деп хабарлайды ҚазАқпарат тілшісі.

Ұқсас жаңалықтар

Алматыда полиция қызметкері қараусыз қалған құрылыс нысанынан құлап кетті

СҚО-да 52 жастағы ер адам бірге тұратын әйелді ұрып өлтірді Автобус пен жеңіл көлік соқтығысы: 7 жастағы балаға ота жасалады Адам өлтірген күдікті қамауда – Алматы ПД басшысы

Алматы облыстық Полиция департаменті баспасөз қызметінің мәліметінше, 2020 жылдың сәуір айында Алматы облысындағы саяжайлардың бірінде атыс болған. Осы фактіге сәйкес ҚР ҚК 293 бабы 3 тармағы яғни, «Атыс құралын қолдана отырып бұзақылық жасау» бойынша іс қозғалды. Жедел тексеру, іздестіру шаралары барысында күдікті анықталды. Ол Шығыс Қазақстан облысы Үржар ауданының 26 жастағы тұрғыны болып шықты.

Күдікті аталған қылмысты жасағаннан кейін оқиға орнынан қашып кеткен. 2020 жылдың маусым айында 26 жастағы тұрғынға халықаралық іздеу жарияланды. Сот санкциясына сәйкес, күдікті ұсталғанда бірден қамауға алынуы керек. Алматы облысының Еңбекшіқазақ ауданындағы криминалдық полиция бөлімінің тәртіп сақшылары күдіктіні тапқан. Алты ай іздеуде жүрген азамат Қарасай ауданындағы алыс туыстарының үйінде жасырынған. Полиция күдіктіні уақытша ұстау изоляторына қамады.