+7 (701) 759 90 19
USD 417.02 EUR 505.51
RUB 5.59 CNY 64.52
Jańalyqtar

Президент бастамалары мемлекет пен қоғам арасындағы байланыс тетіктерін жетілдіруге негізделген - сарапшы

2021 жылғы 18 қаңтар 16:33
Бөлісіңіз:
Президент бастамалары мемлекет пен қоғам арасындағы байланыс тетіктерін жетілдіруге негізделген - сарапшы

НҰР-СҰЛТАН. ҚазАқпарат – Президенттің ұсынған және жүзеге асырылған бастамаларының басым бөлігі мемлекет пен қоғам арасындағы байланыс тетіктерін жетілдіруге негізделген. Бүгін ҚР Президенті жанындағы ҚСЗИ директорының орынбасары Санат Көшкімбаев осылай мәлім етті, деп хабарлайды ҚазАқпарат тілшісі.

Ұқсас жаңалықтар
Президент ауыл әкімдерін сайлауға қатысты пікір білдірді «Nur Otan» үш мегаполис тұрғындарына берген уәдесін қалай іске асырады

«Саясаттануда мемлекет пен қоғам арасындағы кері байланыс тетігі деп аталатын түсінікке назар аударғым келеді. Яғни, ұсынылған әрі іске асырылған Президент бастамаларының елеулі бөлігі мемлекет пен қоғам арасындағы кері байланыс тетігін жетілдеруге негізделген. Бұл өз кезегінде барша түрлену мен өзгерістердің негізі болып тұр. Атап айтқанда, бейбіт жиындарды қйымдастыру тәртібін өзгерту, парламенттік оппозиция институтын құру, жергілікті өзін-өзі басқаруды дамыту концепциясы бар», - деді сарапшы «Президенттік жаңа саяси реформалар пакеті» тақырыбындағы сарапшылық талқылау барысында.

Оның айтуынша, Мемлекет басшысы саяси партиялардың Парламент Мәжілісіне өтуі шегін төмендетуге қатысты маңызды бастаманы көтерді.

«Бізде бес партия сайлауға қатысты. Өткен сайлау нәтижесін ескере отырып, 7 пайыздық меже оларға жоғары болып тұр. Өздеріңіз білесіздер, 5 пайыздық межені «Ауыл» партиясы еңсерді», - деді С. Көшкімбаев.

Оның пайымынша, барлық деңгейдегі сайлау бюллетеніне « бәріне қарсымын « деген жазуды енгізу де маңызды.

«Бұл өз кезегінде ауқымды әлеуметтік сауалнама іспеттес. Осы орайда тұрғындардың тікелей пікірін білуге, барша саяси күштерге баға еруге жол ашады», - деді сарапшы.

«Менің ойымша, реформалардың кезең-кезеңмен өтуі – маңызды қадам. Бұл қадамдар саяси түрленудің өзекті бөлігі болып тұр», - деді Санат Көшкімбаев.

Айта кетейік, бүгінгі сарапшылық талқылауға саяси партиялардың, үкіметтік емес ұйымдардың өкілдері, заңгерлер, танымал саясаттанушылар қатысып жатыр.


Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT