+7 (701) 759 90 19
USD 432.01 EUR 518.67
RUB 5.61 CNY 66.48
Jańalyqtar

Президент зорлық-зомбылықтан қорғау бойынша арнайы қызметтің штат санын қалпына келтіруді тапсырды

2021 жылғы 25 ақпан 13:53
Бөлісіңіз:
Президент зорлық-зомбылықтан қорғау бойынша арнайы қызметтің штат санын қалпына келтіруді тапсырды

НҰР-СҰЛТАН. ҚазАқпарат – Ұлттық қоғамдық сенім кеңесінің бесінші отырысында ҚР Президенті Қасым-Жомарт Тоқаев әйелдерге қатысты зорлық-зомбылық мәселесін көтерді, деп хабарлайды ҚазАқпарат тілшісі.

Президенттің айтуынша, өзекті әлеуметтік мәселе ретінде әйелдерге қатысты тұрмыстық зорлық-зомбылық болып тұр. Жыл сайын елімізде әйелдерге қатыстыь жасалған 2,5 мыңнан астам қылмыс тіркеледі, осының салдарынан қайғылы оқиғалар орын алып жатады. Әйелдерге қарсы зорлық-зомбылық олардың қоғам өміріне толыққанды қатысуына тосқауыл болып, отбасы институтына кері әсерін тигізеді.

«Бұл мәселені тек мемлекеттік органдар мен үкіметтік емес ұйымдардың бірлескен күш-жігерімен ғана шешу мүмкін болып тұр. Бұл ретте, Ішкі істер министрлігіне қарасты 1999 жылы құрылған Әйелдер мен балаларды зорлық-зомбылықтан қорғау жөніндегі арнайы бөлімшелер маңызды рөл атқарады», - деді Мемлекет басшысы.

Осы орайда Қ. Тоқаев бұл бөлімшелер полицияның азаматтық қоғаммен өзара іс-қимылының тиімді буыны болуы керектігін атап өтті.

«Алайда, кезінде олардың штаттық санының жартысына жуығы қысқарып қалған, әсіресе, бұл қызметкерлер тұрмыстық зорлық-зомбылық фактілері жиі тіркелетін өңірлерде қысқарған. Бұл проблеманы кеңестің алаңында әлеуметтанушы Гүлмира Илеуова көтерген еді. Ішкі істер министрлігіне мүмкіндігінше Әйелдер мен балаларды зорлық-зомбылықтан қорғау жөніндегі арнайы бөлімшелердің штат санын қалпына келтіруді тапсырамын», - деді Президент.

Еске салсақ, Ұлттық кеңестің бесінші отырысы өтті. Ұлттық қоғамдық сенім кеңесі құрамында ротация жасалды. Жаңартылған Мәжіліс құрамында Ұлттық кеңестің 9 мүшесі бар. _Өткен жылы 22 қазанда ҚР Президенті Қасым-Жомарт Тоқаевтың қатысуымен Ұлттық қоғамдық сенім кеңесінің төртінші отырысы, ал 2019 жылы 6 қыркүйекте алғашқы отырысы болды.
Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT