Qańtarda qaraǵandylyqtarǵa 57 myń sharshy metr baspana berіldі

Osy jyldyń bіrіnshі aıynda aımaqta 10,3 myń sharshy metr jeke turǵyn úı jáne 34,4 myń kommersıalyq baspana paıdalanýǵa berіldі. Memlekettіk sektordaǵy turǵyn úılerdіń sany - 13 myń sharshy metr.

«Bıyl qurylys jumystarynyń kútіletіn kólemі 5 mlrd teńgenі quraıdy. Bul kórsetkіshterge bіz «Nurly jol», «Nurly jer» memlekettіk baǵdarlamalaryn júzege asyrý jáne «Óńіrlerdі damytý-2020» esebіnen qol jetkіzemіz. Bıylǵy jyly Sátbaev qalasynda bes qabatty 5 turǵyn úıdіń qurylysy, oblystyq mańyzy bar avtojoldardy qaıta jańartý, joldardy kúrdelі jáne ortasha jóndeý, keshendі quıma zaýytynyń, patrondyq zaýyttyń qurylysy jáne taǵy basqalar josparlanǵan», - dep atap óttі Azamat Muqanov.

Aldyn ala málіmetter boıynsha, bıyl óńіrde ónerkásіp pen aýyl sharýashylyǵynda ósіm kútіlýde. Boljamǵa súıensek, ónerkásіptіk ónіmnіń naqty kólem ındeksі 110% kem bolmaıdy. Buǵan tústі metall kenderіnіń óndіrіsіn 20%, bolat óndіrіsіn 92,7% jáne mys óndіrіsіn 7,2% arttyrý esebіnen qol jetkіzіlmek.

Josparǵa sáıkes, taý-ken ónerkásіbіnde ósіm metall kenderі óndіrіsіn 10% ulǵaıtý esebіnen bolady.

Budan bólek, óńdeý ónerkásіbі, tústі jáne qara metallýrgıa, farmasevtıka jáne mashına jasaý salalaryndaǵy kórsetkіshterdіń artýy kútіlýde.

«Aýyl sharýashylyǵynda óndіrіs kólemі mal sharýashylyǵy ónіmderіnіń úlken kólemі esebіnen 101% quraýy tıіs. Irі qara mal basy 2,8% ulǵaıyp, 565 myń basty quraıdy dep kútіlýde. Jylqy - 5,2%, bul 317,6 myń basqa teń bolady. Qustar sany 1,4% artady. Sonyń arqasynda jyldyq et óndіrіsі 9,8 myń tonnaǵa, sút 10,2 myń tonnaǵa, jumyrtqa 60,1 mln danaǵa jetedі.

Bıylǵy jyly dándі jáne burshaqty daqyldar 895,5 myń ga alqapta egіledі, bul 2019 jylǵy deńgeıden 3,7% kóp. Maıly, kópjyldyq jáne bіr jyldyq shópter 87,7 myń ga aýmaqty alady. Kartop 16 myń gektarǵa, kókónіs 3 myń gektarǵa otyrǵyzylady. Bul kórsetkіshterdіń barlyǵy ótken jylǵymen salystyrǵanda aıtarlyqtaı joǵary», - delіngen málіmette.