Ресей Байқоңырдағы 2018 жылғы апатқа қатысты әлі өтемақы төлемеген
«Осындай тиісті келісім (өтемақы туралы ) бар. Ресей тарапы келтірілген шығынды төлеу секілді кепілдікті өзіне алады. Алайда тәжірибе жүзінде бұл өте ұзақ процесс екенін көріп отырмыз. Осы орайда түрлі бюрократиялық тұстар кездесіп жатыр», - деді М. Сыздықов.
Бұл ретте ол 2018 жылы Байқоңырдағы апатты мысал ретінде келтірді.
«2018 жылы болған апат бойынша материалдық өтемақы әлі де төленбеді», - деді министрдің орынбасары.
Еске сала кетейік, 2018 жылы 11 қазанда Байқоңыр ғарыш айлағының Гагарин старт алаңынан орбитаға басқарылатын көліктік «Союз МС-10» кемесін алып шығуы тиіс «Союз ФГ» зымыран тасығышы ұшырылды. Бірақ старт берілген соң бірнеше минуттан кейін Роскосмос сайтындағы тікелей көрсетілім үзіліп, диктор «зымыран тасығыштың апатқа ұшырағанын» хабарлаған еді.