Ресей Қазақстанда өсірілген қызанақ экспортына шектеуді алып тастамақ

None
None
НҰР-СҰЛТАН. ҚазАқпарат - 27 қаңтардан бастап Қазақстанда өсірілген қызанақтарды Ресейде сатылуына шектеу алынып тасталады. Бұл туралы ҚазАқпарат АШМ сілтеме жасап хабарлайды.

«ҚР Ауыл шаруашылығы министрлігі Агроөнеркәсіптік кешендегі мемлекеттік инспекция комитеті Ресейдің Россельхознадзор қызметімен келіссөздер жүргізіп, «Green Capital Kazakhstan» ЖШС және «Green Land Alatau» ЖШС-нің қызанақ жемістерінде қауіпті вирусы (Tomato brown rugose fruit virus немесе ToBRFV) бойынша жылыжайлардың карантиндік фитосанитариялық жай-күйі туралы өзекті ақпаратты ұсынды», - делінген хабарламада.

Қазақстан тарап ұсынған құжаттардың қорытындысы бойынша Россельхознадзор ағымдағы жылдың 27 қаңтарынан бастап Ресей Федерациясына Ақтөбе және Алматы облыстарынан қызанақ жемістерін алып келуге уақытша шектеулерді алып тастайтын болды.


Соңғы жаңалықтар